Todo terminará para Navidad, de El Rayo Misterioso, é unha proposta escénica intensa e vertixinosa que presenta o estado actual dunha sociedade atravesada polo absurdo, a loucura, o pensamento errático e a indiferenza.
A obra constrúese como unha sucesión de accións, símbolos e pulsións dramáticas que colocan o público diante dun espello incómodo. A través dun poderoso diálogo entre textos, imaxes, sons e corpos en movemento, o espectáculo potencia o ritmo dramático dos actores e dá forma a un inconsciente colectivo marcado pola repetición constante de comportamentos tráxicos.
Cunha linguaxe visual e física de grande forza, a peza propón unha experiencia teatral esixente, poética e perturbadora, na que a escena se converte nun espazo de confrontación co presente e coas súas contradicións.
Un drama en español, recomendado para público adulto a partir de 16 anos